Luis Suares Braziliya chempionatining eng yaxshi futbolchisiga beriladigan “Oltin to‘p”ni qo‘lga kiritdi.
“Gremio” hujumchisi mavsum yakuniga bag‘ishlangan maxsus tadbirda sovrinni qabul qilib oldi.
36 yoshli urugvaylik joriy mavsum 33 ta o‘yin o‘tkazib, 17 ta gol va 11 ta golli uzatmaga mualliflik qildi.
Suaresning “Gremio” bilan shartnomasi o‘z yakuniga yetdi va u jamoa bilan xayrlashdi. Xabarlarga ko‘ra, Luis “Inter Mayami” bilan bitim imzolaydi.
Eslatib o‘tamiz, Suares “Inter Mayami” futbolchilari Lionel Messi, Serxio Buskets va Xordi Albalar bilan “Barselona”da birga to‘p surgan.