Toshkent viloyati Bekobod tumanida YPX xodimlaridan qochishga uringan haydovchi mashinasidan mingdan ortiq pirotexnika vositalari topildi. Bu haqda viloyat IIBB axborot xizmati xabar berdi.
Xabarga ko‘ra, 7 dekabr kuni Bekobod tumani hududida joylashgan “Oybek” YPX maskanida tungi xizmatga jalb qilingan YPX xodimlari tomonidan to‘xtatilgan Cobalt haydovchisi inspektorning ishorasiga bo‘ysunmay, yo‘nalishida davom etgan. Xodimlar tomonidan ko‘rilgan choralar natijasida to‘xtatilgan haydovchi F.Q. boshqaruvidagi mashina yukxonasida 1988-yilda tug‘ilgan fuqaro
Z.B. (ayol)ga tegishli bo‘lgan 1 104 quti turli hajm va ko‘rinishdagi pirotexnika vositalari borligi aniqlanib, hujjatlashtirib olingan.
Hozirda holat yuzasidan IIB tomonidan tergovga qadar surishtiruv harakatlari olib borilmoqda.
Izoh (0)