Yevrosiyo iqtisodiy ittifoqi (YII) va Eron o‘rtasidagi tovar ayirboshlash hajmi so‘nggi uch yilda ikki baravar oshdi. Bu haqda Yevrosiyo iqtisodiy komissiyasi savdo vaziri Andrey Slepnev ma’lum qildi.
“Shu oyning oxiriga qadar to‘liq formatdagi bitim imzolanadi, unda deyarli barcha savdo bojsiz bo‘lishi belgilab beriladi, shuningdek, tarifsiz to‘siqlar ham qisqartiriladi”, — dedi Slepnev.
Shuningdek, u 2019-yil oktyabr oyidan boshlab YII va Eron o‘rtasida vaqtinchalik imtiyozli savdo bitimi amalda bo‘lganini, unga ko‘ra o‘zaro savdodagi bojlar cheklangan tovarlar assortimenti uchun kamaytirilishi yoki bekor qilinishini eslatdi.
Eslatib o‘tamiz, YIH maʼlumotlariga ko‘ra, 2026-yilga borib o‘zaro savdo hajmi 100 milliard dollargacha oshishi kutilmoqda. Bundan tashqari, ekspert prognozlariga ko'ra, 2024-2025 yillarda YII umumiy yalpi ichki mahsulotining o‘sish sur’ati mos ravishda 2,5 va 2,7 foizni tashkil qilishi ko‘rsatib o‘tilgan.
Izoh (0)