Shavkat Mirziyoyev ta’tilga chiqdi

Shavkat Mirziyoyev qisqa muddatli ta’tilga chiqdi. Bu haqda prezident matbuot kotibi ma’lum qildi.

Xabarga ko‘ra, Shavkat Mirziyoyev 2023-yil 4-dekabrdan qisqa muddatli mehnat ta’tiliga chiqdi.

Eslatib o‘tamiz, Shavkat Mirziyoyev 2021-yili yanvar oyida qisqa muddatli ta’tilda bo‘lgan edi. Shuningdek, davlat rabhari 2019-yil avgustda ham qisqa muddatli mehnat ta’tiliga chiqqandi. O‘shanda bu Shavkat Mirziyoyevning so‘nggi 17 yillik faoliyatidagi birinchi mehnat ta’tili ekani ta’kidlangan edi.

Avvalroq O‘zbekiston prezidenti tomonidan barcha mahalliy hokimlik hamda sektor rahbarlarining mehnat ta’tiliga chiqishi va davolanishini 2 bosqichda o‘tkazish ma’qullangani to‘g‘risida xabar berilgandi. O‘zbekistondagi amaldagi qonunchilikka ko‘ra viloyat hokimlari hukumat qoshidagi tibbiyot bosh boshqarmasi ro‘yxatida turadi. Ularga zarur holatlarda tibbiy diagnostika qilish, davolash, umuman olganda, ularning salomatligini muhofaza qilish mazkur boshqarma zimmasida.