Qozog‘istonda qushlarning samolyot bilan to‘qnashuvining oldini olish yo‘li topildi. Bu haqda Bosh transport prokuraturasiga tayanib, Tengrinews xabar berdi.
Boshqarma parvozlar xavfsizligini oshirish chora-tadbirlari bo‘yicha ma’lumot berdi. Masalan, transport mutaxassislari havoda ornitologik vaziyatni qanday yaxshilashni aniqladi.
“Fuqaro aviatsiyasi qo‘mitasi aerodromlar yaqinida qushlarning ommaviy to‘planishiga sabab bo‘lgan sharoitlarni bartaraf etish bo‘yicha kompleks chora-tadbirlarni amalga oshirmoqda, bular poligonlarni ko‘chirish va chiqindixonalarni yo‘q qilishdan iborat”, — deyiladi prokuratura matbuot xizmati xabarida.
Bugungi kunga qadar Ostona, Olmaota, Chimkent va Turkistonda bunday chiqindixonalar yo‘q qilingan, Uralsk va Balxash shaharlarida esa sanitariya zonasidan tashqariga ko‘chirilgan. Qushlarni qo‘rqitish uchun pirotexnika, bioakustik qurilmalar va elektron shovqin tizimlari ham qo‘llaniladi. Aviakompaniyalar ham qonun bo‘yicha qushlar bilan to‘qnashuv haqida xabar berishlari shart.
Qozog‘istonda 2023-yilda samolyotlarning qushlar bilan to‘qnashuvi o‘tgan yilga nisbatan 58 foizga kamaygan.
Izoh (0)