O‘zbekistonlik qilichbozlar Jahon kubogida oltin dubl qayd etdi

Turkiyaning Antalya shahrida qilichbozlikning sablya yo‘nalishi bo‘yicha yoshlar o‘rtasidagi Jahon kubogi bo‘lib o‘tmoqda.

Kubok bahslarining navbatdagi bosqichi O‘zbekiston terma jamoasi uchun ajoyib yakunlandi. Jamoaviy dasturdagi bellashuvlarda qizlar ham, yigitlar ham dunyoning kuchli jamoalarini mag‘lub etib, oltin medallarni qo‘lga kiritdi.

Xalqaro qilichbozlik federatsiyasi tomonidan o‘z yo‘nalishlarida dunyoning eng kuchli jamoasi deb eʼtirof etilgan o‘zbekistonlik yigitlar musobaqa davomida Gruziya, Germaniya, Ukraina va finalda Turkiya jamoalarini mag‘lubiyatga uchratdi.

Qizlar esa Bolgariya, Polsha va Italiya termalariga imkoniyat qoldirmadi.