Ingliz tilining nufuzli lug‘atini chop etuvchi Oxford University Press nashriga ko‘ra, 2023-yilda eng mashhur so‘z “joziba, xarizma” degan ma’noni anglatuvchi “rizz” so‘zi bo‘ldi.
Olimlarning fikricha, 2023-yil shaxsiy va professional piar davri bo‘ldi. Bu juda ko‘p xarizma yoki qisqacha “rizz”ni talab qildi.
Bu atama uslub va joziba orqali boshqalarni jalb qilish qobiliyatini anglatadi. Bu so‘z charisma (“xarizma”) so‘zidan kelib chiqqan va g‘ayrioddiy so‘z yasash sxemasining namunasidir.
Bu yil so‘zdan foydalanish ko‘paydi va iyun oyida eng yuqori cho‘qqiga chiqdi. Britaniyalik aktyor Tom Xollanddan uning xarizmasi haqida so‘rashganda: “Menda umuman rizz yo‘q, mening rizzim cheklangan”, — deya javob berdi.
Izoh (0)