Mashhur amerikalik aktyor Leonardo Di Kaprio onalar kuni munosabati bilan onasiga uy sovg‘a qildi. Uyning oldingi egalari ham sanʼat olamiga begona emas. U uyni 7,1 million dollarga sotib olgan.
![](/static/2023/12/01/N.Mirjalol/photo_2023-12-02_15-10-06.jpg)
Uy avval mashhur qo‘shiqchi Gven Stefaniga, keyinchalik esa aktyor Jessi Fergyusonga tegishli bo‘lgan. Los-Anjelesdagi eng hashamatli uylardan biri hisoblanadi. Villa ispan meʼmorchiligi uslubida qurilgan bo‘lib, 5000 kvadrat maydonni o‘z ichiga oladi. Uy yashil bog‘, basseyn, bir nechta terrasalar va dam olish joylaridan iborat.
![](/static/2023/12/01/N.Mirjalol/photo_2023-12-02_15-11-13.jpg)
![](/static/2023/12/01/N.Mirjalol/photo_6_2023-12-02_15-12-17.jpg)
Villa 1928-yilda qurilgan bo‘lib, taʼmirlash ishlarida tarixiy meʼmoriy yodgorliklar saqlab qolingan. Villada to‘rtta yotoqxona va oltita hammom, shuningdek, mehmonxona va katta oshxona bor.
![](/static/2023/12/01/N.Mirjalol/photo_3_2023-12-02_15-12-17.jpg)
![](/static/2023/12/01/N.Mirjalol/photo_5_2023-12-02_15-13-01.jpg)
Villa terrasalarida ajoyib landshaft manzaralarini ko‘rish mumkin. Pastki qismi gullar bilan burkangan bog‘ va favvorali maydondan iborat. Bundan tashqari, uyda SPA, yoga va meditatsiya uchun alohida xona ham mavjud.
![](/static/2023/12/01/N.Mirjalol/photo_1_2023-12-02_15-13-01.jpg)
![](/static/2023/12/01/N.Mirjalol/photo_2_2023-12-02_15-12-17.jpg)
Maʼlumot uchun, aktyor bir necha yil oldin qo‘shiqchi Richard Melvilldan otasi uchun ham uy sotib olgan edi. Uy Los-Anjelesdagi Los-feliz hududida joylashgan. Onasi uchun olgan uy ham aynan shu hudud tarkibida. Aktyorning o‘zi esa Los-felizdan uncha uzoq bo‘lmagan, Sanset bulvaridagi ikki qavatli uyida yashaydi.