Kim Chen In ayollarni “partiya uchun” tug‘ishda faolroq bo‘lishga chaqirdi

Shimoliy Koreya yetakchisi Kim Chen In mamlakatda tug‘ilish darajasi pasayayotganidan xavotir bildirdi. Bu haqda Koreya markaziy axborot agentligiga tayanib, “Kommersant” xabar berdi.

KXDR rahbari buni yoshlar o‘rtasida “antisotsialistik xulq-atvor muammosi” ortib borayotgani bilan bog‘ladi va ayollarni “partiya, inqilob va mamlakat uchun” imkon qadar ko‘proq bola dunyo keltirishga chaqirdi. Kim Chen In “ko‘p farzandni dunyoga keltirgan qahramonlarga, yetim bolalarni parvarish qilayotgan onalarga, Pxenyan va viloyat ayollar ittifoqi vakillariga” minnatdorlik bildiribgina qolmay, “onalar mas’uliyatni o‘z zimmasiga olishi, jamiyat va oila oldidagi vazifalarni bajarishi uchun muammolarni muhokama qilish” zarurligini ta’kidladi.

 Koreya markaziy axborot agentligiga ko‘ra, beshinchi milliy onalar yig‘ilishida ishtirok etganlar “mehr va eʼtiqodga to‘la mehribon otaning murojaatini yig‘lab tinglagan”.