“Hududgaztaʼminot” havo harorati keskin pasayishi munosabati bilan aholiga gazdan foydalanishda ehtiyot choralarini ko‘rish bo‘yicha murojaat bilan chiqdi.
Unda isitish moslamalari va ovqat tayyorlashda gaz plitalarini qarovsiz qoldirmaslik, ventilyatsiya tizimiga alohida eʼtibor berish zarurligi eslatib o‘tilgan. Gaz jihozlari ishlab turgan xonalarda dam olishga yo‘l qo‘ymaslikni va chiroqni yoqishdan oldin gaz hidi yo‘qligiga ishonch hosil qilib, u aniqlangan holda 104 telefon raqami orqali gaz xizmatiga murojaat qilishni so‘radi.
“Hududgaztaʼminot”ning 16 mingdan ortiq xodimlardan iborat jamoasi kecha-yu kunduz zangori yoqilg‘ini mamlakatning har bir iste’molchisiga yetkazib berib, jamiyatimizning farovonligi yo‘lida mehnat qilmoqda. Shuning uchun ham “Hududgaztaʼminot” AJ favqulodda vaziyatlarning oldini olish uchun fuqarolardan tabiiy gaz isteʼmoliga ongli ravishda yondashishlarini va undan oqilona foydalanishlarini so‘raydi, — deyiladi murojaatda.
Qayd etilishicha, ayni paytda “Hududgaztaʼminot”ning 16 mingdan ortiq xodimdan iborat jamoasi kecha-yu kunduz xizmat qilmoqda. Shuning uchun ham “Hududgaztaʼminot” favqulodda vaziyatlarning oldini olish uchun fuqarolardan tabiiy gaz isteʼmoliga ongli ravishda yondashishlarini va undan oqilona foydalanishlarini so‘radi.
Shuningdek, iste’molchilarga tabiiy gaz bilan uzluksiz ta’minlash uchun to‘lovni o‘z vaqtida amalga oshirish zarurligi ham eslatib o‘tilgan. To‘lovlarni tuman gaz taʼminoti bo‘limlari va bank filiallarida, shuningdek, barcha to‘lov tizimlarining mobil ilovalari orqali 24/7 rejimida amalga oshirish mumkin.
Tabiiy gaz ta’minotini qaytadan boshlash uchun to‘lovni amalga oshirish va hisoblagich bloklanib qolishining oldini olish maqsadida, uni yoqishdan oldin barcha gaz uskunalarini o‘chirib qo‘yish lozim. Ko‘k rangli Enter tugmasining uch marta bosilishi yonilg‘i ta’minotini davom ettirishga imkon beradi.
Noto‘g‘ri yoqilganligi sababli “aqlli” hisoblagich “blokirovka” bo‘lib qolgan bo‘lsa, 1104 raqamiga qo‘ng‘iroq qilish kerak bo‘ladi va “Hududgaztaʼminot” Сall-markazi operatorlari hisoblagichni tizimga ulashda yordam beradi.
Jahon prognoz markazlarining dastlabki hisob-kitoblariga ko‘ra, O‘zbekistonning shimoliy hududlariga, 11—12-dekabrda esa butun respublika hududiga juda sovuq havo massasi kirib kelishi, havo harorati kechasi 7-10 daraja sovuq, kunduzi 0-3 darajagacha sovuq pasayishi kutilmoqda.
Izoh (0)