Falastinning HAMAS harakatining harbiy qanoti Al-Qassam brigadasi G‘azodagi tinch aholini o‘qqa tutganiga javoban Isroilning Ashkelon shahriga raketa hujumlari uyushtirdi. Bu haqida HAMAS o‘zining Telegram kanalida xabar berdi.
“Al-Qassam brigadalari sionistlarning tinch aholini qirg‘in qilishiga javoban Ashkelonga raketa hujumlarini uyushtirdi”, — deyiladi tashkilot bayonotida.
Avvalroq Falastinning WAFA axborot agentligi dushanba kuni Isroil armiyasining G‘azo sektori sharqidagi turar joy hududlariga bergan zarbalari natijasida 30 dan ortiq odam halok bo‘lganini ma’lum qilgandi.
Shuningdek, kecha 3-dekabr kuni HAMASning Shejaya batalyoni qo‘mondoni Vissam Farhat havo hujumi chog‘ida o‘ldirilgani xabar berilgandi.
Izoh (0)