Yevropa bo‘ylab G‘azo sektorida o‘t ochishni davom ettirishga qarshi ommaviy norozilik namoyishlari bo‘lib o‘tdi

Parijda falastinliklarni qo‘llab-quvvatlash va Isroilning G‘azo sektorida harbiy amaliyotini davom ettirishiga qarshi ommaviy miting bo‘lib o‘tdi.

Minglab namoyishchilar Fransiya poytaxti ko‘chalari bo‘ylab bannerlar ko‘tarib yurishdi. Ular Isroilni aholini majburiy ko‘chirish va anklavni blokada qilishni to‘xtatishga chaqirdi. Odamlar, shuningdek, qurol-yarog‘ yetkazib berishni to‘xtatish va falastinlik mahbuslarni ozod qilishni ham talab qilishmoqda.

Germaniyaning ko‘plab shaharlarida, jumladan, Berlin va Shtutgartda Falastin tarafdorlari o‘tkazgan namoyishlarda yuzlab odamlar ishtirok etdi. Shuningdek, Italiyaning Milan shahrida ham G‘azodagi harbiy harakatlarga qarshi katta namoyish bo‘lib o‘tdi.

1-dekabr kuni Isroil mudofaa kuchlari 7 kunlik sulhdan keyin G‘azo sektorida jangovar harakatlar qayta boshlanganini ma’lum qilgandi.