O‘zbek kinoshunosligi asoschilaridan biri Jo‘ra Teshaboyev 3-dekabr kuni 90 yoshida vafot etdi. Bu haqda Kinoarboblar ijodiy uyushmasi xabar berdi.
Jo‘ra Teshaboyev O‘zbekistonda xizmat ko‘rsatgan sanʼat arbobi (1989), Sanʼatshunoslik fanlari doktori, professor (1991).
U Kiyev universitetini tugatgan (1956). 1956—1958-yillarda Andijon maorif bo‘limida faoliyat yuritgan. 1958—1960- yillarda “O‘zbekfilm”da muharrir, 1960-yildan Sanʼatshunoslik institutida avval aspirant, ilmiy xodim, 1987-yildan kino va televideniye bo‘limi boshlig‘i lavozimida ishlagan. 1968-yildan Sanʼat institutida dars bergan.
Asosiy ilmiy ishlari kino sanʼati nazariyasi va tarixiga oid masalalar, shuningdek, o‘zbek ekran sanʼati arboblari ijodiga bag‘ishlangan. 30 ta hujjatli kino, 2 ta multfilmga ssenariy yozgan.
Izoh (0)