Bugun, 1-dekabr kuni Uzbekistan Airways “yer yuzidagi jannat” deb nomlanuvchi orol – Pxuketga muntazam parvozlarni amalga oshirishga kirishmoqda. Tiniq suvli tropik kurortga seshanba va juma kunlari sayohatga otlanishingiz mumkin.
Pxuket uzoq vaqtdan beri chinakamiga dam olishni xohlaganlar uchun eng katta orzudir. Unda tropik ta’tildan kutish mumkin bo‘lgan hamma narsa bor: yorqin quyosh va ko‘m-ko‘k suv, go‘zal plyajlar va ajoyib ko‘rinishdagi quyosh botishi, ekzotik mevalar va rohatbaxsh massajlar. Uzbekistan Airways sizni bu qishda ushbu jannat go‘shasini kashf etishga taklif qiladi.
Uzbekistan Airways 1-dekabrdan boshlab Pxuketga to‘g‘ridan to‘g‘ri muntazam aviaqatnovlarni yo‘lga qo‘ymoqda. HY535/536 aviaqatnovlari seshanba va juma kunlari quyidagi jadvalga muvofiq amalga oshiriladi:
- Toshkentdan jo‘nab ketish Toshkent vaqti bilan soat 22:30 da;
- Pxuketga yetib kelish Pxuket vaqti bilan ertasi kuni soat 07:00 da;
- Pxuketdan jo‘nab ketish Pxuket vaqti bilan ertasi kuni soat 08:30 da;
- Toshkentga yetib kelish Toshkent vaqti bilan ertasi kuni soat 13:10 da.
Toshkentdan Tailand oroliga aviachiptani 5 331 000 so‘mdan, Toshkent - Pxuket - Toshkent yo‘nalishi bo‘yicha esa 9 173 000 so‘mdan xarid qilish mumkin! Sayohatga chiqqaningizda, kamerangizni o‘zingiz bilan olib ketishni unutmang, chunki Pxuket siz suratga olishni hamda do‘stlaringiz va oilangiz bilan baham ko‘rishni xohlaydigan haqiqiy jannatmakon o‘lka.
Aviachiptalarni www.uzairways.com saytida, mobil ilova orqali, aviakompaniya agentlaridan va hozirda Toshkent shahri, Yakkasaroy tumani, Shota Rustaveli ko‘chasi, 9-bino manzilida joylashgan Uzbekistan Airways Sales filialida xarid qilish mumkin.
Reklama huquqi asosida
Izoh (0)