Olmaotadagi hostelda 30-noyabr kuni sodir bo‘lgan yong‘in tufayli 13 kishi, shu jumlada ikki nafar O‘zbekiston fuqarosi halok bo‘lgandi. Tashqi mehnat migratsiyasi agentligi ularning jasadlarini O‘zbekistonga qaytarish choralari ko‘rilayotganini ma’lum qildi.
Yong‘in 30-noyabr kuni tongida Qozog‘istonning Olmaota shahri Adi Sharipov ko‘chasida joylashgan Almaty Hostelda yuz bergan.
Dastlabki maʼlumotlarga ko‘ra, asosan talabalardan iborat 72 kishi yashagan 457 kvadrat metr maydonga ega hostel yerto‘lasi koridoridan boshlangan yong‘in oqibatida 13 kishi halok bo‘lgan.
Halok bo‘lganlarning ikki nafari, yaʼni 2000-yilda tug‘ilgan N.A.va 2000-yilda tug‘ilgan S.K. O‘zbekiston fuqarolari hisoblanadi.
Hozirgi vaqtda mazkur holat mamlakatimizning Olmaota shahridagi Bosh konsulxonasi va Tashqi mehnat migratsiyasi agentligi vakolatxonasi tomonidan nazoratga olingan hamda vafot etgan yurtdoshlarimizning jasadlarini O‘zbekistonga qaytarish choralari ko‘rilmoqda, — deyiladi agentlik xabarida.
Izoh (0)