Shveysariya Rossiyaning 7,7 milliard shveysariya franki (8,8 milliard dollar) miqdoridagi aktivlarini muzlatib qo‘ydi. Bu haqda Reuters agentligi xabar berdi.
Agentlik ma’lumotlariga ko‘ra, muzlatilgan aktivlar miqdori 2022-yilga nisbatan olganda bir oz ko‘paygan.
2022-yil dekabrida mamlakat rasmiylari YIning Rossiyaga qarshi sanksiyalariga qo‘shilganidan so‘ng Rossiyaning 7,5 milliard shveysariya franki (8,4 milliard dollar) miqdoridagi aktivlarini muzlatib qo‘ygani haqida xabar bergan edi.
Shveysariyaning Iqtisodiy masalalar bo‘yicha davlat kotibiyati (SECO) sanksiya ro‘yxatiga yangi shaxslar qo‘shilishi va o‘chirilishi, shuningdek, aktivlarni muzlatish yoki taqiqni yechish bilan bog‘liq jarayon tufayli bu borada aniq raqamlarni aytish qiyinligini ta’kidladi.
Izoh (0)