Harbiy harakatlar qayta boshlanganidan keyin Isroil armiyasi G‘azo sektoriga 200 dan ortiq zarba berdi. Bu haqda BBC xabar berdi.
Isroil armiyasi bayonotida aytilishicha, so‘nggi bir necha soat ichida “quruqlik, havo va dengiz kuchlari G‘azo sektorining shimoli va janubidagi HAMAS nishonlariga, jumladan Xon Yunis va Rafahga zarbalar bergan”.
Isroil armiyasi “portlovchi moddalar bilan minalangan hududlar, HAMASning tunnel shaxtalari, uchirish maydonchalari va operativ qo‘mondonlik markazlariga” zarba berganini da’vo qilmoqda.
7-oktyabrdan beri davom etayotgan janglarda G‘azoda 15 mingdan ortiq falastinlik halok bo‘ldi. Isroilda, rasmiy ma’lumotlarga ko‘ra, qurbonlar soni 1200 ga yaqinlashdi. Xalqaro vositachilar, shu jumladan, Qatar, Misr va AQSH tomonlar o‘rtasida sulhni qayta tiklashni va o‘t ochishni to‘xtatishni talab qildi. Keyinroq Qatar Tashqi ishlar vazirligi Isroil va Falastin o‘rtasida sulhga qaytish maqsadida muzokaralar davom etayotganini xabar qildi.
Izoh (0)