Shavkat Mirziyoyev BAA prezidenti Shayx Muhammad bin Zoid al-Nahayon taklifiga binoan 30-noyabr —2-dekabr kunlari BMTning Iqlim o‘zgarishi masalalari bo‘yicha konferensiyasida ishtirok etish uchun Dubayda bo‘ladi.
Prezident matbuot xizmatining xabar berishicha, Iqlim bo‘yicha global sammitda dunyoning 150 dan ortiq mamlakatlarining davlat va hukumatlari, nufuzli xalqaro tashkilotlar va moliyaviy institutlar rahbarlari qatnashadi.
Tadbir kun tartibidan BMTning Iqlim o‘zgarishi to‘g‘risidagi hadli konvensiyasi asosiy qoidalarini amalga oshirish, bugungi ekologik tahdid va xatarlarga qarshi kurashish, “yashil” taraqqiyot maqsad va vazifalarini ilgari surishda keng hamkorlik masalalari o‘rin olgan.
Davlat rahbari sammitning yalpi sessiyasida nutq so‘zlashi hamda qator ikki tomonlama uchrashuv va muzokaralar o‘tkazishi kutilmoqda.
O‘zbekiston BMTning Hadli konvensiyasiga 1993-yilda qo‘shilgan, 2018-yilda mamlakat Parij bitimi ishtirokchisi bo‘ldi.
Izoh (0)