Qozog‘iston parlamentida agrar masalalari bo‘yicha yig‘ilishda deputatlar sun’iy intellektga murojaat qildi. Bu haqda Tengrinews xabar berdi.
Yig‘ilishda ikki masala — joriy g‘alla balansi va “Oziq-ovqat kontrakt korporatsiyasi” milliy kompaniyasi faoliyati to‘g‘risidagi masala ko‘rib chiqildi. Ikki soatlik muhokamadan so‘ng deputatlar yig‘ilish materiallarini neyrotarmoqqa yukladi. Sun‘iy intellektning xulosalarini yig‘ilganlarga parlament a’zosi Aydarbek Xo‘janazarov o‘qib eshittirdi.
“G‘alla balansini barqarorlashtirish uchun tasniflanmagan donni davlat zaxirasiga sotib olishni tashkil qiling. Buni hatto men emas, sun‘iy intellekt taklif qilmoqda. Uni pul bilan sotib olish yoki qiziqtirish mumkin emas”, — dedi deputat.
“Balki u sizga pulni qayerdan olishni ham aytar? Alisa, ayting-chi, pulni qayerdan olsa bo‘ladi?”, — deya zaldan murojaat keldi.
“Keyingi savolda beramiz”, — deya va’da qildi Xo‘janazarov.
Neyron tarmog‘ining oziq-ovqat korporatsiyasini isloh qilish bo‘yicha tavsiyalarini yuklashda biroz muammo yuzaga keldi: bu bilan shug‘ullangan parlament a’zosi natijalarni planshetda ko‘rsatish uchun bir daqiqa vaqt so‘radi.
“Choy ichayotgan bo‘lsa-chi? Qozoq sun’iy intellekti”, — deb hazil qildi yig‘ilganlardan biri.
“Yo‘q, shunchaki yig‘ilish so‘nggi daqiqalargacha davom etdi. Yozib olish, qayta ishlash davom etmoqda. Umuman olganda, biz sun’iy intellektdan qisqacha gapirishni, takrorlamaslikni o‘rganishimiz kerak. Ikki soatdan, balki bir soatimiz ketdi — biz bir narsani takrorlayverdik”, — dedi ma’muriyatning agrar masalalar bo‘yicha qo‘mitasi raisi Serik Egizboyev.
Izoh (0)