Toshkent hayvonot bog‘i safi Afrikadan olib kelingan yangi hayvonlar bilan kengaydi, deb xabar beradi bog‘ ma’muriyati.
Ma’lum qilinishicha, poytaxt hayvonot bog‘iga uchta zebra, uchta jirafa bolalari, oq Bengal yo‘lbarsi hamda oq sher olib kelingan. Ushbu hayvonlar Janubiy Afrikadagi maxsus fermada boqilgan.
Hayvonlarni tashish CargoPoint kompaniyasi tomonidan tashkil etilgan bo‘lib, u Yoxannesburg—Antananarivu—Istanbul—Toshkent yo‘nalishi bo‘yicha 10 827 kilometr masofani bosib o‘tgan.
Poytaxt hayvonot bog‘i tarixida birinchi bo‘lgan ushbu ulkan loyiha Wildlife Care boshqaruv kompaniyasi tomonidan amalga oshirilgan.
Eslatib o‘tamiz, 2022-yilning avgustida Toshkent hayvonot bog‘ida Alatau laqabli 9 yoshli jirafa nobud bo‘lgandi. O‘limdan keyingi patologoanatomik va laborator tekshiruvlari natijalariga ko‘ra, hayvonning o‘limi proventrikulyar timpaniya tufayli yuzaga kelgan miya ishemiyasi tufayli sodir bo‘lgan.
Izoh (0)