SamAuto pikaplar qatorini yangiladi: travel-kvest finali va ISUZU D-MAXning butunlay yangi avlodi taqdimoti
Jamoalar uch oy davomida bosh sovrin uchun kurash olib bordilar va bu oqshom asosiy savolga javob topildi: yangilangan ISUZU D-MAX IRBIS LSE pikapi kimga nasib qiladi?
25-noyabrda Toshkentda D-MAX keng ko‘lamli kvestining finali bo‘lib o‘tdi. Bu SamAuto kompaniyasi tomonidan, O‘zbekiston hududida o‘tkazilayotgan ikkinchi travel-kvesti hisoblanadi. Bu yil qatnashish uchun 2200 kishi ariza topshirdi, to‘liq ro‘yxatdan o‘tgan jamoalar soni esa 209 taga yetdi.
D-MAX quest finali
Uch oy davomida qatnashchi jamoalar bosh sovrin uchun kurash olib bordilar va jamoaviy ishlashga, «qulaylik hududidan» chiqishga o‘rgandilar, mantiq va chaqqonlikka oid topshiriqlarni bajardilar. Sinovlar qatnashchilar aniqlashlari va topib borishlari kerak bo‘lgan manzillarda bo‘lib o‘tdi. Bu davr davomida jamoalar Yangiobod tog‘larida, Sarmishsoy darasining qadimiy qoyalarida, Tuzkon tuzli ko‘li sohillarida, Chingizxon kanonidagi, Marsnikiga o‘xshash manzaralarda uchrashdilar.
Loyihaning rasmiy homiysi Ipak Yoʼli banki, axborot hamkorlari esa – UzReport telekanali va Repost nashri boʼldi, shuningdek loyihani Total va Megamix qoʼllab-quvvatladi.
Finalgacha ikkita eng matonatli, maqsadga intilgan va bahamjihat jamoalar yetib keldi: «Brigada» va «Koryoin». Qizgʼin kurash bilan oʼtgan ikkinchi D-MAX questda «Koryoin» jamoasi gʼalaba qozondi.
Yangi avlod D-MAX pikaplari
Tadbir yangi avlod pikaplarining taqdimoti bilan boshlandi: bu yil SamAuto mehmonlarga kengaytirilgan rang palitrasidagi ISUZU D-MAX IRBIS LS/LSE, ISUZU D-MAX OKSUS/OKSUS LS va ISUZU D-MAX SAHAR yangi modifikatsiyalarini taqdim etdi. Аynan konveyerdan endigina chiqqan, full-komplektatsiyadagi yorqin-olovrang ISUZU D-MAX IRBIS LSE pikapiga gʼolib jamoa ega boʼldi.
ISUZU D-MAX pikaplari Samarqanddagi ulkan SamAuto avtozavodida chiqariladi, u Oʼzbekistondagi yuk avtomobillari, maxsus texnika va yoʼlovchi transport vositalari ishlab chiqarishning yetakchilaridan biri sanaladi.
“ISUZU D-MAX pikaplari – bu eng yaxshi doʼst hamda har kuni va har qanday vaziyatda: shahar sharoitida, qishloq xoʼjaligida, yoʼlsiz togʼlarda bebaho yordamchidir. Ishonchli va manyovrchan avtomobil ekin ekish yoki yigʼishtirish mavsumida, bogʼda yoki dalada tengsiz. Bunday darajadagi mashina bilan uzoq muddatli avtosayohatga otlanish, toqqa chiqish yoki mamlakatizdagi nostandart sayyohlik manzillarini ziyorat qilish mumkin. Bugun biz ISUZU D-MAXning beshta komplektatsiyasini taqdim etdik, ular mahalliy yoʼl va iqlimning ekspluatatsion sharoitiga ajoyib tarzda moslashtirilgan. Yangi pikaplarning asosiy afzalliklaridan biri kafolat boʼlib qoladi: u ikki yilga yoki 100 ming km yurishga beriladi; asl ehtiyot qismlar va moylash materiallaridan foydalanilganda, servislararo interval 20 000 km.ni tashkil qiladi. Аminmizki, kvest finali va yangilangan modellar taqdimoti Oʼzbekistonda pikaplar tarixining yangi bosqichining yorqin boshlanishi boʼladi”, — dedi bosh direktor oʼrinbosari Ilhomjon Yarashev.
2023-yilgi yangilangan, modernizatsiyalangan energiyasigʼimli osmaga ega ISUZU D-MAX pikaplari ancha texnologik qulay va yumshoq boshqariladigan boʼldi, natijada rulni boshqarishda butunlay boshqacha hislar qamrab oladi. Xarakteristikalariga koʼra, avtomobil bozordagi boshqa avtolardan kuchaytirilgan aerodinamikasi, qudratli dvigateli, yuqori oʼtuvchanligi (kechuv chuqurligi – 800 mm.gacha), oshirilgan yuk koʼtaruvchanligi, katta sigʼimga egaligi, har qanday yoʼlda yaxshi boshqarilishi bilan yaqqol ajralib turadi.
ISUZU D-MAX IRBIS LSE pikapida koʼp funktsiyali bort kompyuteri, diagonali 9 dyyumli multimedia tizimi va hajmli ovozga ega yangi musiqa tizimi paydo boʼldi. Xavfsizlikka katta eʼtibor berilgan. Аvtomobil IDAS innovatsion paketi bilan taʼminlangan, u pikap haydovchisi va yoʼlovchilari uchun har tomonlama himoyani taʼminlaydi. Unga quyidagi tizimlar kiradi:
- avtonom shoshilinch tormozlanish — toʼqnashuvning oldini olish yoki oqibatlarini kamaytirishga yordam beradi;
- koʼrinmas zonalar monitoringi — koʼrinmas joylardagi avtomobillarni aniqlaydi va haydovchiga xabar beradi;
- moslashuvchan kruiz-nazorat — avtomatik ravishda avtomobil tezligini boshqaradi, avtomobillar orasida berilgan masofani ushlab turadi;
- old tomondan toʼqnashuv haqidagi ogohlantirish — avtomobildan oldindagi yoʼl harakati qatnashchilarini kuzatib boradi va toʼqnashish xatari haqida ogohlantiradi;
- egallab turilgan polosadan chiqish haqida ogohlantirish — haydovchini avtomobil yoʼldan chetga chiqishida xabardor qiladi;
- burilishdagi avtonom tormozlanish — yoʼllarni kesib oʼtishda yuzma-yuz yaqinlashib kelayotgan avtomobil va u bilan muqarrar toʼqnashishda faollashadi;
- orqadagi kesishmali harakatlanish monitoringi — orqaga yurishda masofani nazorat qiladi, chap yoki oʼngdan obʼekt yaqinlashishida vizual va ovozli ogohlantirishni taʼminlaydi.
To‘rt taktli dizel dvigateliga ega, ishonchli va tezkor ISUZU D-MAX klassik yo‘ltanlamaslari yo‘lsiz joylarda, qishloq va shahar yo‘llarida yurishga mo‘ljallangan. Yerdan oraliqning kattaligi va 6 bosqichli uzatmalar qutisi haydovchiga rulda o‘zini maksimal dadil his qilish imkonini beradi.
ISUZU D-MAX pikaplarini xarid qilish masalalari boʼyicha dilerlik markazlariga yoki +998 78 140-80-00 telefon raqami orqali SamAuto Call-markaziga murojaat qilishingiz mumkin.
D-MAX quest bosqichlari foto va videosini SamAuto Instagram sahifasida va YouTube-kanalida tomosha qilishingiz mumkin.
Reklama huquqi asosida.
Izoh (0)