AQSHning Toshkentdagi elchixonasi DV-2023 (grin-karta) dasturi orqali immigratsion vizalarni taqdim etish bo‘yicha dunyoda 7-o‘rinni egalladi. Bu haqda elchixona matbuot xizmati xabar berdi.
Sentyabr boshida AQSH hukumati joriy 2023-yilgi DV dasturi uchun belgilangan barcha immigratsion vizalarni taqdim etgani ma’lum bo‘lgandi. Sentabr oyining qolgan kunlariga belgilangan DV dasturi bo‘yicha suhbatlar butun dunyo bo‘ylab, jumladan, O‘zbekistonda ham bekor qilingan edi.
Green Card 2025 lotereyasida ishtirok etish uchun arizalar qabuli 4-oktyabrdan boshlanib, 7-noyabrgacha davom etdi.
Green Card o‘zi nima va nega hamma uni qo‘lga kiritishni xohlaydi?
AQSH grin-kartasi — AQSH fuqarosi bo‘lmagan, ammo u yerda doimiy yashaydigan odamning istiqomat uchun guvohnomasi borligini tasdiqlaydigan va unga ishga joylashish huquqini beradigan identifikatsiya kartasi.
Grin-karta hech qanday to‘siqlarsiz mamlakatni tark etish va qaytib kelish, ishlash, ko‘chmas mulkka egalik qilish, mahalliy banklarda manfaatliroq kreditlarni olish, oliy ta’lim muassasalarida chegirmalar bilan o‘qish va AQSH fuqarolari uchun mo‘ljallangan stipendiyalarga da’vogarlik qilish, ba’zi turdagi qurolli kuchlarda xizmat qilish hamda Amerika fuqarolari uchun boshqa imtiyoz va nafaqalardan foydalanish imkonini beradi.
Grin-karta odatda 10 yilga beriladi, unga ega bo‘lgandan so‘ng 5 yil o‘tgach, AQSH fuqaroligini olish uchun ariza berish mumkin.
Izoh (0)