Andijon viloyatining Buloqboshi tumanidagi tosh konida 46 yoshli ishchi tosh bosib qolishi oqibatida halok bo‘ldi. Bu haqda Daryo”ga Bosh prokuratura matbuot kotibi Hayot Shamsutdinov xabar berdi.
Voqea 25-noyabr kuni “Muhammad Tosh” koni MCHJga qarashli tosh konida yuz bergan. 46 yoshli mavsumiy ishchi S.A. tosh chiqarayotgan vaqtida ehtiyotsizligi oqibatida tosh ustiga yumalab ketib, bosib qolgan.
Oqibatda u voqea joyida vafot etgan. Marhum oilali, iki nafar farzandning otasi bo‘lgan.
Ayni paytda holat yuzasidan tuman IIB TB tomonidan surishtiruv ishlari olib borilmoqda.
Izoh (0)