Ostonada qizamiq bilan kasallanish holatlari ko‘paydi, kasallanganlarning aksariyati emlanmagan bolalardir. Shahar hokimligidan olingan ma’lumotlarga ko‘ra, bolalar yuqumli kasalliklar shifoxonasiga 111 foiz yuklama tushgan, deb xabar bermoqda “Vlast.kz”.
“3-sonli ko‘p tarmoqli shahar bolalar shifoxonasida yotoq sig‘imi 300 o‘rinni tashkil etadi. Biroq mavsumiy yuqumli kasalliklar, xususan, qizamiq bilan kasallanganlar soni ko‘paygani sababli sig‘im 557 taga, 20 ta reanimatsiya o‘rinlari esa yana 20 taga ko‘tarildi”, — deyiladi xabarda.
Kasalxonaga yotqizilganlarning 96 foizi emlanmagan bolalar, olti nafar bemor reanimatsiyada, to‘rt nafarining ahvoli og‘ir, ikki nafarining ahvoli o‘ta og‘ir.
Shifokorlarning so‘zlariga ko‘ra, asosan 14 yoshgacha bo‘lgan bolalar kasallikka chalinmoqda. Shu bilan birga, agar ilgari bir yoshdan boshlab bolalar qizamiq bilan kasallangan bo‘lsa, endi bemorlar orasida 5-6 oylik bolalar ham bor.
Shahar sog‘liqni saqlash boshqarmasi ma’lumotlariga ko‘ra, shaharda qizamiqqa qarshi o‘rinlarning umumiy soni 42 foizni tashkil etadi. Katta yoshdagi aholi orasida 63 nafar bemor qizamiq bilan kasalxonaga yotqizilgan. Ularning ahvoli o‘rtacha og‘irlikda. Kasalxonadagi bemorlarning 70 foizi bir yoshdan yetti yoshgacha bo‘lganlardir.
Avvalroq Olmaotada qizamiq epidemiyasi tufayli yuqumli kasalliklar shifoxonalari 90,3 foizga to‘lgani haqida xabar berilgandi. U yerda ham asosan emlanmaganlar kasallikka chalinmoqda.
Izoh (0)