Qozog‘iston tashqi ishlar vazirining birinchi o‘rinbosari Kayrat Umarov parlament majlisi chog‘ida Qozog‘iston KXSHTdan chiqish imkoniyatini ko‘rib chiqyaptimi yoki yo‘qligini aytdi. Bu haqda Zakon.kz xabar berdi.
Kayrat Umarov Qozog‘istonning KXSHTga a’zo bo‘lishi borasida ko‘plab fikrlar borligini aytdi.
“Hozirgacha biror davlat bu tashkilotga aʼzoligini tugatish uchun rasman murojaat qilmagan. Shuning uchun biz KXSHT tarkibida hech qanday o‘zgarishlar bo‘lishini kutmaymiz. Doim bunday tashkilotning tashqarisida bo‘lishdan ko‘ra, uning ichida bo‘lish yaxshiroq. Qozog‘istonning bunday (KXSHTdan chiqish) rejalari mutlaqo yo‘q. Ushbu tashkilotning paydo bo‘lishining boshida o‘zimiz edik. Bu bizning manfaatlarimiz uchun ishlaydi, deb hisoblaymiz”, — deydi Umarov.
Uning qo‘shimcha qilishicha, KXSHT doirasidagi barcha qarorlar umumiy konsensus asosida qabul qilinadi.
“Hech bir davlatga hech qanday qaror yuklanishi mumkin emas. Tashkilot bizning manfaatlarimizga javob beradi va KXSHTga a’zo davlatlar o‘rtasidagi hamkorlik masalalarini muhokama qilish imkonini beradi”, — dedi u.
Izoh (0)