900 ga yaqin odam Rossiyadan G‘azo sektoridan ularni evakuatsiya qilishni so‘radi, dedi Vladimir Putin. Shuningdek, Rossiya prezidenti anklavdagi vaziyatni og‘ir deb baholadi va u yerda qolgan ruslarga yordam berish davlatning muqaddas burchi ekanini aytdi.
“U yerdagi vaziyat anchadan buyon yomon. Menimcha, 900 kishi ularni olib ketish iltimosi bilan bizga murojaat qilgan. Ulardan 639 nafari Rossiya fuqarolari, yana 271 nafari ularning qarindoshlaridir”, — dedi Putin hukumat aʼzolari bilan uchrashuvda.
“Juda muhim gumanitar olijanob missiya. Biz hozirgi voqealardan azob chekayotgan odamlarga yordam berishimiz kerak. Biz u yerda nima bo'layotganini ko'ryapmiz. Shunday ekan, odamlarga, ayniqsa, fuqarolarimizga yordam berish muqaddas burchimizdir”, — deya qo‘shimcha qildi davlat rahbari.
Prezident Favqulodda vaziyatlar vazirligi rahbari Aleksandr Kurenkovdan yig‘ilishda evakuatsiya va insonparvarlik yordami yetkazib berish bilan bog‘liq vaziyat haqida ma’lumot berishni so‘radi. Vazirning aytishicha, G‘azo sektoriga Rossiyadan 245 tonnadan ortiq insonparvarlik yordami jo‘natilgan, 23 noyabr kuni esa yana bir reys jo‘natish rejalashtirilgan.
Rossiyaliklarni evakuatsiya qilish Isroil va Falastinning HAMAS harakati o‘rtasida 7-oktyabrdan beri davom etayotgan urush fonida tashkil etilgan. Chet elliklar birinchi marta 1-noyabrdan ozod etila boshlandi. Ruslarning birinchi guruhi 12-noyabrda G‘azodan olib chiqildi. Favqulodda vaziyatlar vazirligining so‘nggi maʼlumotlariga ko‘ra, Rossiyaga 553 kishi olib kelingan.
Izoh (0)