Argentinada o‘ng qanot “Ozodlik kelyapti” alyansi bir qismi bo‘lgan Libertarlar partiyasiga rahbarlik qiluvchi Xavyer Miley prezidentlik saylovlarida g‘alaba qozondi, deb xabar beradi La Nacion.
Byulletenlarning 98,01 foizi hisob-kitobiga ko‘ra, Miley 55,75 foizga yaqin ovoz to‘plagan. Mileyning saylovlardagi g‘alabasi bilan uning raqibi, “Vatan uchun ittifoq” hukmron koalitsiyasidan nomzod bo‘lgan Argentina iqtisodiyot vaziri Serxio Massa hamda bir qator Lotin Amerikasi davlatlari yetakchilari tabrikladi. Massa saylov davomida 44,24 foiz ovoz to‘pladi.
“Bu argentinaliklar tanlagan prezident”, — deydi Massa. Amaldagi davlat rahbari Alberto Fernandes, shuningdek, muxolif siyosatchini g‘alaba bilan tabriklab, tez orada hokimiyatni topshirish jarayonlarini tashkillashtirishga umid bildirgan.
Xavyer Miley mamlakatning BRICS guruhiga a’zoligini qo‘llab-quvvatlamaydi, davlatning fuqarolar hayotiga minimal aralashuvini yoqlaydi, Markaziy bankni tugatmoqchi va milliy valutani dollarga almashtirishni taklif qilyapti. Saylovoldi kampaniyasi davomida u Rossiya, Xitoy va Braziliyaning “kommunistik” hukumatlari bilan aloqalarni uzish rejasini ham e’lon qilgan.
Iqtisodiy muammolarni hal qilish uchun “benzoarra” o‘ziga timsol sifatida tanlagan nomzod budjet xarajatlarini jiddiy qisqartirmoqchi.
Oktyabr oxirlarida Argentinada prezidentlik saylovlaridan keyin sanab chiqilgan byulletenlarning 76 foizi natijalariga ko‘ra, hukmron Argentina koalitsiyasidan nomzod, iqtisodiyot vaziri Serxio Massa 35,8 foiz ovoz olgandi; unga eng yaqin raqib, deputat Xavyer Miley esa 30,5 foiz.
Izoh (0)