BRIKSga a’zo davlatlar rahbarlari 21-noyabr kuni videokonferensiya orqali G‘azo bo‘yicha favqulodda yig‘ilish o‘tkazadi.
Bu haqda Janubiy Afrika prezidenti matbuot xizmati ma’lum qildi.
“BRIKS mamlakatlari – Braziliya, Rossiya, Hindiston va Xitoy yetakchilari Janubiy Afrika raisligida virtual formatda navbatdan tashqari yig‘ilish o‘tkazadi. BRIKSning yangi davlatlari – Saudiya Arabistoni, Argentina, Misr, Efiopiya, Eron va Birlashgan Arab Amirliklari rahbarlari ham yig‘ilishga taklif qilingan”, — deyiladi Janubiy Afrika prezidenti matbuot xizmati xabarida.
BRIKSga a’zo davlatlar va taklif etilgan davlatlar vakillari ertaga, 21-noyabr kuni G‘azodagi mavjud gumanitar inqiroz yuzasidan o‘z mamlakatlari nomidan bayonotlar berishlari kutilmoqda.
Uchrashuvda BMT bosh kotibi Antoniu Guterrish ishtirok etadi. Tadbir ishtirokchilari qo‘shma bayonot qabul qilishlari rejalashtirilgan.
Izoh (0)