Tojikiston o‘zining SomoniGPT nomli neyron tarmog‘ini rivojlantirmoqda. Bu haqda respublika Tashqi ishlar vazirligi axborot va matbuot boshqarmasi boshlig‘i o‘rinbosari Zarina Ismoilzoda ma’lum qildi.
Tojikistonda yaratiladigan sun’iy intellekt respublikaning madaniy va lingvistik xususiyatlarini hisobga oladi. Tojikistondagi raqamli operatorlardan biri 2040-yilgacha sun’iy intellektni rivojlantirish bo‘yicha tasdiqlangan Strategiyani amalga oshirish doirasida birinchi milliy SomoniGPT neyron tarmog‘ini ishlab chiqish boshlanganini e’lon qildi.
“SomoniGPT dunyodagi birinchi tojik innovatsion modeli bo‘lib, u allaqachon keng imkoniyatlarga ega: maʼlumotlarni tahlil qilish, modellashtirish va matn yaratish. U 20 dan ortiq tillarni qabul qiladi, biroq barcha javoblarni tojik tilida beradi, bu esa uning ommalashishiga xizmat qiladi”, — deya aniqlik kiritdi u.
Garchi bugungi kunda Tojikistonda neyron tarmoqlardan foydalanuvchi kam bo‘lsa-da, rasmiylar ularning soni yaqin yillarda asta-sekin o‘sib borishini istisno qilmayapti.
Tojikistonda sun’iy intellekt bilan bog‘liq vaziyat qanday? Tashqi ishlar vazirligidan javob
Ayni paytda AI texnologiyalari ingliz tilida ishlab chiqilgan bo‘lib, tojik jurnalistikasida ulardan foydalanishda muammolar yuzaga kelishi mumkin. Respublikada ChatGPT va boshqa sun’iy intellekt texnologiyalaridan muvaffaqiyatli foydalanish uchun ularni rivojlantirish va tojik tiliga moslashtirish zarur.
TIV vakili kelajakda sun’iy intellektning rivojlanishi jurnalistikaning mohiyatini modernizatsiya qilishga olib kelishi mumkinligini istisno etmadi.
Izoh (0)