AQSHdagi yadroviy kallakchalarga ega raketa shaxtalariga hujum uyushtirilgudek bo‘lsa mamlakat aholisining 90 foizi halok bo‘ladi, shuningdek, falokat Kanada va Meksikaga ham ta’sir ko‘rsatadi. Bu haqda Priston universiteti olimlari tomonidan amalga oshirilgan hisob-kitoblarda so‘z boradi.
Qayd etilishicha, universitetning Fan va global xavfsizlik dasturida ishtirok etayotgan olimlar Amerikaning beshta — Kolorado, Vayoming, Nebraska, Montana va Shimoliy Dakota shtatlaridagi raketa shaxtalariga qilingan hujumni modellashtirib ko‘rgan.
Hisob-kitoblarda keltirilishicha, shaxtalarga amalga oshirilgan maqsadli hujum shaharlarga berilgan zarbalardan ko‘ra ko‘rpoq qubonlarni yuzaga keltiradi, dastlabki to‘rt kunda 340 mingdan 4,6 millionga yaqin odam halok bo‘ladi. Shuningdek, 300 million kishi radioaktiv moddalarning tarqalishi hisobiga o‘limga olib keladigan darajada radiatsiyaga uchraydi. Bu esa o‘z navbatida AQSH alohisining 90 foizini o‘limiga sabab bo‘ladi.
Olimlar 2021-yilga qadar qayd etilgan ob-havo ma’lumotlaridan foydalangan holda 450 ta shaxtada joylashgan quvvati 800 kilotonnali jangovar kallaklarning portlashi oqibatini modellashtirgan. Birinchi navbatda ular shamol radiatsiya chiqindilarni qanday tarqatishi xaritasini ishlab chiqqan.
“Kanadaning qo‘shni shtatlari va aholi gavjum hududlari, shuningdek, Meksika shimolidagi odamlar halokatli yog‘ingarchilik xavfi ostida qoladi”, — deyiladi tadqiqotda.
Hisob-kitoblarga ko‘ra, bitta raketa shaxtasini yo‘q qilish uchun uning yoniga bir yoki ikkita bir kilotonnali jangovar kallaklar bilan zarba berish kerak. Bu shaxta qanchalik himoyalangan bo‘lmasin, unga ta’sir ko‘rsatadi. Mavjud barcha raketalarning portlashi Shimoliy Amerikaning butun hududini yashash uchun yaroqsiz holatga kelishiga olib keladi.
Olimlar bunday ssenariydan qutulishning yagona yo‘li yadroviy qurollardan foydalanishni voz kechish ekanini aytmoqda. Shu bilan birga, Pentagon yadroviy quroldan “tutib turuvchi omil” sifatida foydalanishga chaqirmoqda.
Izoh (0)