Toshkent viloyatida 93 million so‘mlik alkogol va tamaki mahsulotlari savdosiga chek qo‘yildi, deb xabar bermoqda Soliq qo‘mitasi axborot xizmati.
Xabarga ko‘ra, soliq organlari hamda Bosh prokuratura huzuridagi Iqtisodiy jinoyatlarga qarshi kurashish departamenti tomonidan o‘tkazilayotgan tadbirlar davomida Toshkent viloyatining Zangiota, Parkent tumani hamda Angren shaharlarida noqonuniy savdoga qo‘yilgan alkogol va tamaki mahsulotlari aniqlandi.
- Zangiota tumanida joylashgan do‘kondan 5 turdagi 226 dona qiymati 12,1 million so‘mlik qalbaki aksiz markali alkogol mahsulotlari;
- Parkent tumanida fuqaroga tegishli omborxonadan 14 turdagi 5053 dona qiymati 69,1 million so‘mlik qalbaki aksiz markali alkogol mahsulotlari;
- Angren shahrida 5 turdagi 1010 quti qiymati 12 million so‘mlik aksiz markasiz tamaki mahsulotlari aniqlandi hamda ular vaqtincha olib qo‘yildi.
Yuqoridagi holatlar yuzasidan hujjatlar rasmiylashtirilib qonuniy chora ko‘rish uchun huquqni muhofaza qiluvchi organlarga taqdim etildi.
Izoh (0)