AQSH Tayvan bo‘g‘ozida tinchlik va barqarorlik tarafdori va Tayvan orolining mustaqilligini qo‘llab-quvvatlamaydi, lekin uni qurol-yarog‘ bilan ta’minlashdan bosh tortmaydi, dedi Oq uy matbuot kotibi Jon Kirbi brifingda.
“Prezident Bayden Si Szinpinga biz Tayvan bo‘g‘ozida tinchlik va barqarorlik bo‘lishini istashimizni ochiq aytdi”, — dedi Kirbi. Shuningdek, u AQSH “yagona Xitoy siyosatiga sodiqligi va Tayvanning mustaqilligini qo‘llab-quvvatlamasligi”ni qo‘shimcha qildi.
“Ammo Tayvan bilan munosabatlar to‘g‘risidagi qonunga muvofiq, biz Tayvanga qurol yetkazib berishda davom etamiz”, — dedi Kirbi.
AQSHning orolga qurol yetkazib berishiga Pekin keskin norozilik bildirmoqda. AQSH prezidenti bilan muzokaralar chog‘ida Xitoy rahbari Si Szinpin Tayvan muammosi AQSH-Xitoy munosabatlaridagi eng katta xavf ekanligini aytdi.
Shuningdek, Xitoy rahbari mamlakat Tayvan bilan tinch yo‘l bilan birlashish maqsadini ko‘zlayotganini, biroq kerak bo‘lsa, kuch ishlatishni ham istisno qilmasligini taʼkidlagan.
Izoh (0)