“Titanik” kemasining birinchi klass yo‘lovchilari uchun kechki ovqat menyusi nusxasi Buyuk Britaniyadagi Henry Aldridge va Son kimoshdi savdosida 84 ming funt sterlingga (taxminan 102,769 dollar) sotildi. Bu haqda Sky News xabar berdi.
Menyuda 1912-yil 11-aprel sanasi aks etgan. O‘sha kuni kechki ovqatga laynerdagi yo‘lovchilarga ustritsa, mol go‘shti, qo‘zichoq va o‘rdak go‘shti berilgan. Sotilgan menyuda suv belgilari bor. Nusxa tarixchi Len Stivensonning 1960-yillardagi fotoalbomida topilgan. Unga menyuni tirik qolgan yo‘lovchilardan biri bergan bo‘lishi mumkin.
Menyuning o‘lchami 6,25x4,25 dyuym (taxminan 16x11 sm) va “Titanik”ni qurgan White Star Line kompaniyasining qizil bayrog‘i bilan bezatilgan. Lotning boshlang‘ich narxi 60 ming funt sterling etib belgilangan.
Izoh (0)