Riga shahar sudi seym (parlament) sobiq deputati Yanis Adamsons va Latviya SSRda Davlat xavfsizlik qo‘mitasida ishlagan fuqaro Gennadir Silonovni Rossiya foydasiga josuslik qilganlikda aybdor deb topdi.
Sud hukmi bilan Adamsons 8 yil 6 oyga, Silonov esa 7 yil 6 oyda ozodlikdan mahrum etildi.
Adamsons 2021-yilning iyunida Rossiya foydasiga josuslik qilganlikda aybdor deb topilgan. Tergov ma’lumotlariga ko‘ra, seymning sobiq deputati “tizimli va maqsadli” ravishda ma’lumot to‘plab, Silonov orqali Rossiya maxsus xizmatlariga NATO bo‘linmalari, Latviya harbiylarining xaridlari, mamlakat budjeti, qonunchilikka kiritilayotgan o‘zgartirishlar va chegaradagi vaziyat haqida axborot yetkazib turgan.
Adamsons Silonov bilan kamida 2015-yildan boshlab uchrashib kelgan, Latviya huquq tartibot organlari umumiy hisobda ular 100 martadan ortiq uchrashganini qayd etgan. Prokuror versiyasiga ko‘ra, Adamsons josuslik uchun pul olgan, mablag‘lar Adamsonsning Rossiyadagi qizi orqali o‘tkazilgan.
Ikkala ayblanuvchi ham o‘zlariga bildirilgan ayblovlarni rad etgan, sud qarorini esa “butunlay uydirma” deb atagan.
Izoh (0)