Panorama Airways Toshkent —Madina—Toshkent yo‘nalishi bo‘yicha bir nechta reyslarni vaqtincha bekor qildi. Bu haqda Uzbekistan Airports matbuot xizmati xabar berdi.
Xususan, 9-noyabrdagi 5P-361/362 va 5P-363/364 reyslari bekor qilindi. Ayni damda aviakompaniyaning 5P-363 reysini amalga oshirayotgan samolyoti texnik sabablarga ko‘ra Madina aeroportida turibdi.
Toshkentdan parvoz avvaliga kechiktirilgan, biroq ertalabdan u aviakompaniya tomonidan rasman bekor qilingan.
Ushbu reysning 246 nafar yo‘lovchisi Toshkent aeroportida 12 soat kutganidan so‘ng Panorama Airways vakillari tomonidan mehmonxonalarga joylashtirilgan.
Izoh (0)