Qozog‘istonning sobiq iqtisodiyot vaziri Bishimbayev Kuandik rafiqasini o‘ldirganlikda ayblanib, hibsga olindi. Bu haqda Knews xabar berdi.
Sobiq vazir xotinini kaltaklaganlikda gumon qilinmoqda, keyinchalik ayol olgan jarohatlari tufayli vafot etgan. Tez yordam mashinasi o‘z vaqtida yetib kelmagan.
Tez yordam kelgunga qadar 30 yoshli ayol vafot etgan, shifokorning so‘zlariga ko‘ra, uni Do‘stlik ko‘chasi 16-uyda joylashgan “Bau” restoranida eri kaltaklagan. Bishimbayev hibsga olinishidan oldin o‘zini pichoqlash bilan tahdid qilgan.
Voqea joyida Bishimbayev Kuandik Valixanovich hibsga olingan.
Kuandik Bishimbayev 43 yoshda. Uylangan, uch o‘g‘il va bir qizi bor. 2016-yilning 6-mayidan 28-dekabriga qadar Qozog‘iston milliy iqtisodiyot vaziri lavozimida ishlagan. 2017-yil yanvar oyida u bir necha bor yirik miqdorda pora olgani uchun “Antikor” xodimlari tomonidan qo‘lga olingan. 2018-yilda u 10 yillik qamoq jazosiga hukm qilingan. 2019-yil 25-sentyabrda shartli ravishda ozodlikka chiqqan.
Izoh (0)