Navoiy viloyatida fuqaro o‘z yengil avtomashinasini ariqdagi suvga yuvgani uchun jarimaga tortildi. Bu haqda viloyat ekologiya boshqarmasi axborot xizmati xabar berdi.
Ma’lum qilinishicha, Nurota tumani ekologiya bo‘limi davlat inspektorlari tomonidan olib borilgan navbatdagi tezkor reyd tadbiri davomida “Orasoy” mahallasida yashovchi fuqaro Sh.B o‘z boshqaruvidagi yengil avtomashinasini “Alisher Navoiy” MFY hududidan oqib o‘tuvchi ariqdagi suvga yuvib, suvni ifloslantirgani aniqlandi.
Ushbu holat yuzasidan fuqaroga nisbatan Ma’muriy javobgarlik to‘g‘risidagi kodeksning 72-moddasining 1-qismi bilan ma’muriy bayonnoma rasmiylashtirilib, 990 ming so‘m jarima belgilandi.