Turkiya prezidenti Rajab Toyyib Erdo‘g‘on kelasi hafta O‘zbekistonga kelishi kutilmoqda.
Ostonada 3-noyabr kuni bo‘lib o‘tgan Turkiy davlatlar tashkiloti sammitidan qaytgan prezident aeroportda jurnalistlarga intervyu berib, shu oydagi rejalari haqida gapirdi.
“Shu oyda Ar-Riyodda Islom hamkorlik tashkiloti sammiti bo‘lib o‘tadi. Biz ushbu sammitda qatnashamiz. Keyingi haftada esa O‘zbekistonga tashrif buyuramiz. Bu juda masʼuliyatli vaqtdagi muhim tashriflar”, — degan Turkiya prezidenti.
Erdo‘g‘on, shuningdek, noyabr oyi oxirida Eron prezidenti rasmiy tashrif bilan Turkiyaga kelishini aytib o‘tgan.
Izoh (0)