Turkiya prezidenti Rajab Toyyib Erdo‘g‘on qozog‘istonlik hamkasbi Qosim-Jo‘mart To‘qayevga Turkiyada ishlab chiqarilgan Togg elektromobilini sovg‘a qildi. Bu haqda Qozog‘iston rahbari matbuot xizmatiga tayanib, Tengrinews xabar berdi.
“Hurmat belgisi sifatida Rajab Toyyib Erdo‘g‘on davlatimiz rahbariga Turkiyada ishlab chiqarilgan Togg elektromobilini sovg‘a qildi. Turkiya rahbari Qosim-Jo‘mart To‘qayevga yangi elektromobilni shaxsan o‘zi ko‘rsatdi”, — deyiladi xabarda.
To‘qayev o‘z hamkasbini elektromobillarni ommaviy ishlab chiqarish muvaffaqiyatli yo‘lga qo‘yilgani bilan minnatdorlik bildirib, tabriklagan.
- Togg 160 kilovatt quvvatga ega akkumulyatorli, bir quvvatlanishda 314 kilometr masofani bosib o‘tishga qodir. Elektrokarning eng arzon modeli 953 ming lira (50 ming dollardan ortiq), kuchliroqlari 1,215 million turk lira (63 ming dollar) turadi. Birinchi yetkazib berish iyul oyiga rejalashtirilgan.
Ma’lumot uchun, Turkiya prezidenti O‘zbekiston prezidentiga ham Togg elektromobilidan sovg‘a qilgandi, Erdo‘g‘onning o‘zi ham shunday mashinaga ega.
Izoh (0)