Ijtimoiy himoya milliy agentligi Chinoz tumanida joylashgan Respublika qizlar o‘quv-tarbiya muassasasida kompleks o‘rganish ishlarini olib borilayotganini maʼulm qildi.
Aytilishicha, bir necha holatlardan kelib chiqqan holda, Toshkent viloyatining Chinoz tumanida joylashgan Respublika qizlar o‘quv-tarbiya muassasasiga qizlarni qabul qilinishi jarayonini vaqtincha to‘xtatib turish masalasi ko‘tarilgan
“Muassasaga 30-oktyabrdan o‘rganish ishlarini boshlab yuborildi. Kompleks o‘rganishlar natijasi xulosasi bo‘yicha yaqin vaqt ichida ma’lumot taqdim etiladi.
Ushbu o‘rganishlar Ijtimoiy himoya milliy agentligi direktori birinchi o‘rinbosarining bevosita nazorati ostida o‘tkazilmoqda”, - deyiladi agentlik axborotida.
O‘rganish ishlari aynan qanday holatlardan kelib chiqib amalga oshirilayotganiga oydinlik kiritilmagan.
Maʼlumot uchun, prezident Shavkat Mirziyoyevning 2023-yil 1-iyundagi farmoniga asosan Ijtimoiy himoya milliy agentligi tashkil etilgan.
Agentlik aholini ijtimoiy himoya qilish va ijtimoiy xizmatlar ko‘rsatish sohasidagi yagona davlat siyosatini ishlab chiqish va amalga oshirish bo‘yicha vakolatli davlat organi hisoblanadi.
Izoh (0)