AQSH prezidenti Jo Baydenning ma’muriyati islomofobiyaga qarshi kurash bo‘yicha mamlakat tarixidagi birinchi milliy strategiyani ishlab chiqadi. Bu haqda Oq uy matbuot kotibi Karin Jan-Pyer ma’lum qildi.
“Biz jamiyat yetakchilari, advokatlar, Kongress a’zolari va boshqalar bilan islomofobiya va uning barcha ko‘rinishlaridagi nafratga qarshi strategiya ishlab chiqish bo‘yicha ishimizni davom ettirishni intiqlik bilan kutyapmiz”, — dedi Jan-Pyer.
Oq uy matbuot kotibining qo‘shimcha qilishicha, Bayden ma’muriyati olti yoshli falastinlik bolaning o‘ldirilganidan qayg‘urmoqda.
Illinoys shtatida 71 yoshli erkak musulmonlarga nisbatan nafrati tufayli bolani pichoqlab, muslima ayolga ham bir necha marta pichoq urgan. Erkakka nafrat jinoyatini sodir etish aybi qo‘yildi.
Shu munosabat bilan Bayden Qo‘shma Shtatlarda islomofobiya va mutaassiblikning har qanday ko‘rinishi qabul qilinishi mumkin emasligini ta’kidladi. U o‘ldirilgan bola AQSHga boshpana so‘rab kelgan oilaning farzandi ekanini ma’lum qildi.
Izoh (0)