Prezidentning tegishli qarori bilan Avazxon Tojixonov Madaniyat vazirining birinchi o‘rinbosari lavozimiga tayinlandi. Bu haqda Telegram’dagi “Huquqiy axborot” kanali xabar berdi.
Tayinlovga qadar Avazxon Tojixonov 2018-yildan beri adliya tizimida faoliyat yuritib kelayotgan edi.
2022-yil dekabrida Turizm va madaniy meros vazirligi hamda Madaniyat vazirligi negizida Madaniyat va turizm vazirligi tashkil etilib, unga Ozodbek Nazarbekov rahbar etib tayinlangandi. 2023-yil iyulida esa turizm sohasi vazirlikdan ajratildi va Ozodbek Nazarbekov madaniyat vaziri lavozimiga tasdiqlandi.
Avvalroq Qishloq xo‘jaligi vaziriga uch nafar o‘rinbosar tayinlangani, O‘zbekistonda 16 ta soliq inspeksiyasi rahbarlari o‘zgargani, Prezident administratsiyasida tayinlovlar amalga oshirilgani to‘g‘risida xabar berilgandi.
Izoh (0)