25-oktyabr kuni AQShning Tennessi shtati, Neshvill shahrida Aluminium USA 2023 xalqaro sanoat ko‘rgazmasi bo‘lib o‘tdi. Mazkur nufuzli tadbir alyuminiy sanoatidagi asosiy voqea bo'lib, sanoatdagi so'nggi trendlarga muvofiq hamkorlik qilish hamda tajriba almashish uchun noyob platformani taqdim etadi.
Ko‘rgazma Shimoliy Amerika, Meksika, Braziliya, Buyuk Britaniya, Ispaniya, Italiya, Norvegiya, Turkiya, Misr, Xitoy, Janubiy Koreya, Yaponiya, BAA va O‘zbekistondagi yetakchi ishlab chiqaruvchilar hamda mutaxassislarni jalb etdi. O‘zbekistonning ushbu forumdagi ishtiroki AKFA sanoat xoldingi tarkibiga kiruvchi Benkam mahalliy brendining taqdimoti bilan qayd etildi.
Benkam — 2015-yilda Yevropa va o‘zbekistonlik hamkorlar tomonidan asos solingan alyuminiy profillarini ishlab chiqarish bo‘yicha yirik loyiha bo‘lib, Yevropa, Osiyo va AQShga eksport qilishga yo‘naltirilgan. Asosiy faoliyat sohasi — har qanday murakkablikdagi alyuminiy profillarni ishlab chiqarish va keyinchalik ularni qayta ishlash sanaladi.
Aluminium USA 2023 ko‘rgazmasidagi O‘zbekistonning ishtiroki muvaffaqiyatli va istiqbolli tarzda bo‘ldi. Tadbir doirasida Amerikaning yetakchi ishlab chiqaruvchilari bilan umumiy hajmi yiliga 16 ming tonnadan ziyod tayyor mahsulot alyuminiy profillarini yetkazib berish haqida shartnomalar imzolandi. O‘zbekistonning hamkorlari orasida Floridadagi “Tachen”, Orlandodagi “AA Metall” va Los-Anjelesdagi “Daiko” kompaniyalarini alohida qayd etish joiz bo‘lib, ular 62 300 000 AQSh dollardan ziyod mahsulotlarning nihoyatda katta hajmlarini yetkazib berish bo‘yicha shartnomalar tuzishga muvaffaq bo‘lganlar.
Alyuminiy profillar ishlab chiqarish sohasidagi muvaffaqiyatli hamkorlik O‘zbekiston iqtisodiyotiga sezilarli ta’sir ko‘rsatdi hamda xalqaro aloqalarni mustahkamladi. Ushbu hamkorlik O‘zbekistonning texnologik salohiyatini yuksaltirish va alyuminiy mahsulotlari xalqaro bozorida raqobatbardoshliligini oshirishga ham xizmat qilmoqda.
Batafsil:
https://akfagroup.com/benkam_usa
Aloqa uchun:
Reklama huquqi asosida.
Izoh (0)