Ijtimoiy tarmoqlarda Farg‘ona viloyatining Uchko‘prik tumanidagi davlat tashkilotlarining rahbar xodimlari ekani aytilayotgan bir guruh shaxslar ish xonasida qarta o‘ynayotgani aks etgan foto tarqalgan edi.
“Daryo” manbasining maʼlum qilishicha, rasmda ko‘ringan Uchko‘prik tumani kambag‘allikni qisqartishirish va bandlik bo‘limi boshlig‘i o‘rinbosari Dilshodbek Daliyev va tuman iqtisodiyot va moliya bo‘limi boshlig‘i Sirojiddin Rahmonaliyev bilan tuzilgan mehnat shartnomasi bekor qilingan.
Ishdan olingan Dilshodbek Daliyev o‘zining Facebook sahifasida ishdan bo‘shash haqida ariza yozgani haqida post qoldirgan.
“Beayb parvardigor. Tan olish ham mardning ishi. Alloh nazaridan qolmasam bo‘ldi. Men o‘zimni oqlamoqchi emasman. Xato qilgan bo‘lsam, qonun oldida javob beraman. Mard bo‘lib arizamni yozib, kecha ishdan ketganman”, — degan Dilshodbek Daliyev.
Uning qo‘shimcha qilishicha, rasm eski bo‘lib, 26-avgust, shanba, dam olish kuni olingan. Lekin voqea qayerda sodir bo‘lganiga oydinlik kiritilmagan.
Izoh (0)