Toshkent shahrida yo‘lovchilarga ko‘rsatilayotgan transport xizmatlari sifatini oshirish maqsadida 24-25-oktyabr kunlari ayrim avtobus yo‘nalishlari harakatiga o‘zgartirishlar kiritiladi. Bu haqda “Toshshahartransxizmat” AJ xabar berdi.
Xususan:
56-sonli “Tarixteshar mahallasi – Chorsu savdo markazi” avtobus yo‘nalishining harakati bir tomonlama Furqat va Alisher Navoiy ko‘chalari kesishmasida tashkil etilgan yangi chorraha orqali Chorsu savdo markaziga chapga harakatlangan holda o‘zgartiriladi;
60-sonli “Elektrokabel zavodi – Toshkent MUM” avtobus yo‘nalishining harakati ikki tomonlama Shahrisabz ko‘chasidan Amir Temur, Islom Karimov ko‘chalari orqali o‘zgartiriladi;
95-sonli “Yunusobod 15-dahasi – Aviasozlar ASHB” avtobus yo‘nalishining harakati ikki tomonlama Parkent, Kichik halqa yo‘li, Katta Darxon, Oqqo‘rg‘on, Osiyo ko‘chalari orqali o‘zgartiriladi;
16-sonli “Navro‘z bozori – Toshkent vokzali” avtobus yo‘nalishining harakati Navro‘z bozoridan TTZ ASHBgacha uzaytiriladi;
103-sonli “Do‘mbirabod mavzesi – Chorsu savdo markazi” avtobus yo‘nalishining harakati Do‘mbirabod mavzesidan Chilonzor buyum bozori ASHBgacha uzaytiriladi;
148-sonli “Mirishkor mahallasi – Toshkent vokzali” avtobus yo‘nalishining harakati Mirishkor mahallasidan Olmos mahallasi hududigacha uzaytiriladi.
Sentabr boshida “Toshshahartransxizmat” yo‘lovchilardan kelib tushgan murojaatlar asosida qo‘shimcha 7 ta yangi avtobus yo‘nalishlari tashkil etilganini e’lon qilgandi. Shuningdek, poytaxtda 12-sentyabrda to‘rtta avtobus yo‘nalishi qisqartirilgan edi.
Izoh (0)