O‘zbekistonning Madriddagi elchixonasida Ispaniya Siyosat va xavfsizlik tahlili instituti (IDAPS) prezidenti Manuyel Morato bilan uchrashuv bo‘lib o‘tdi. Bu haqda “Dunyo” agentligi xabar berdi.
Qayd etilishicha, suhbat chog‘ida O‘zbekiston va Ispaniya tahlil markazlari o‘rtasida o‘zaro manfaatli hamkorlikni yo‘lga qo‘yish masalalari atroflicha muhokama qilingan.
Tomonlar strategik sheriklikni kengaytirishdan manfaatdor ekanliklarini bildirgan. Shu munosabat bilan, Ispaniya tahlil markazlarining yetakchi ekspertlari va manfaatdor vazirlik hamda idoralar vakillari ishtirokida O‘zbekistonning yangi tashqi siyosati va uning Markaziy Osiyoda xavfsizlik arxitekturasini shakllantirishdagi o‘rni haqida muntazam ravishda qo‘shma davra suhbatlari va seminarlar o‘tkazishga kelishib olingan.
Yaqin vaqt oralig‘ida O‘zbekistonning tahlil institutlari bilan o‘zaro hamkorlikning yo‘lga qo‘yilishi yuzasidan ham kelishuvga erishilgan.
O‘zbekiston va Ozarbayjon mudofaa vazirlari harbiy hamkorlik yo‘lga qo‘yilishi, Shavkat Mirziyoyev hamdo‘stlik doirasidagi o‘zaro manfaatli hamkorlikni yanada kengaytirish bo‘yicha qator tashabbuslarni ilgari surgani to‘g‘risida xabar berilgandi.
Izoh (0)