“Aviatsiya faoliyatini samarali tashkil etishga oid qo‘shimcha chora-tadbirlar to‘g‘risida”gi prezident qarori qabul qilindi. Bu haqda Telegram’dagi “Huquqiy axborot” kanali xabar berdi.
.jpg)
Qarorga ko‘ra, quyidagilar amalga oshiriladi:
- Silk Avia MCHJ ustav kapitalidagi Uzbekistan Airports AJning 100 foiz ulushini uning brendini saqlab qolgan holda Uzbekistan Airways AJ tarkibidagi Uzbekistan Helicopters MCHJ ustav kapitaliga o‘tkaziladi;
- Uzbekistan Airports AJning 3 ta “ATR72-600” rusumli havo kemasi Silk Avia MCHJga beg‘araz o‘tkaziladi;
- Silk Avia MCHJ faoliyatini samarali tashkil etishva rivojlantirish strategiyasini amalga oshirish doirasida “ATR72-600” rusumli havo kemalari soni oshiriladi.
Shuningdek, Uzbekistan Airways AJ tarkibidagi Uzbekistan Helicopters MCHJ zimmasiga mahalliy aviaqatnovlarning sonini oshirish, parvozlar geografiyasini kengaytirish, yangi yo‘nalishlarni yo‘lga qo‘yish hamda “ATR72-600” rusumli havo kemalari parkini rivojlantirish vazifalari yuklanadi.
Silk Avia 2021-yilning noyabrida tashkil etilgan. Mazkur aviakompaniya mamlakat ichida aviaqatnovlarga bo‘lgan talabni qondiradi. O‘zbekiston bo‘ylab 40 ga yaqin yo‘nalish — nafaqat poytaxtdan viloyatlarga, balki viloyatlar o‘rtasida ham yo‘lga qo‘yilishi rejalashtirilgan. Aviakompaniyaning birinchi samolyoti 21-mart kuni mahalliy vaqt bilan soat 08:30 da Toshkent xalqaro aeroportida an’anaga ko‘ra, tantanali ravishda suv arkasi va ekipaj a’zolarini karnay-surnay sadolari ostida gullar bilan kutib olingan edi.
Izoh (0)