Futbol bo‘yicha Yevro—2024 saralashi doirasida Portugaliya Bosniya va Gersogovina ustidan 5:0 hisobida g‘alaba qozondi. Ronaldu uchrashuvda dubl muallifiga aylandi.
Shu tariqa Krishtianu 2023-yilda klub va terma jamoadagi gollari sonini 40 taga yetkazdi va Erling Holanddan o‘tib ketdi.
Norvegiyalik futbolchida 39 ta gol bor edi. “PSJ” va Fransiya terma jamoasi hujumchisi Kilian Mbappeda esa 35 ta gol mavjud.
Shuningdek, Ronaldu Yevropa Chempionati saralash o‘yinlaridagi gollari sonini 40 taga yetkazdi. Portugaliyalik bu borada rekordchi hisoblanadi. Ikkinchi o‘rindan irlaniyalik Robbi Kin joy olgan. Kin 44 o‘yinda 23 ta golga mualliflik qilgan.
Yevro—2024 saralashida esa Ronaldu 9 ta gol urdi. Hozircha Belgiya terma jamoasi hujumchisi Romelu Lukaku (10 ta gol) undan oldinda.
Krishtianu o‘z faoliyati davomida 12-bor bir kalendar yili davomida minimum 40 ta golga mualliflik qilmoqda. Bu borada u Lionel Messini ortda qoldirdi.
Izoh (0)