Gollivud aktyori Uill Smit 2016-yilda rafiqasi bilan yashirincha ajrashgani ma’lum bo‘ldi. Juftlikning ikki nafar: 24 yoshli o‘g‘li Jeyden Smit va 21 yoshda bo‘lgan Uilo Smit ismli qizi bor. Uillning sobiq rafiqasi Sheri Zampino bilan birinchi turmushidan ham 29 yoshli Trey ismli o‘g‘li bor.
Uill Smit va uning rafiqasi Jada Pinkett 2022-yilgi “Oskar” mukofotining taqdirlash marosimiga er-xotin sifatida tashrif buyurganiga qaramay, juftlik bundan yetti yil avval ajrashganini ommadan sir tutgan. Bu haqda Jada o‘zining “Munosib” nomli avtobiografik kitobida gapirib bergan.
Jada Uill bilan ishqiy munosabatlari 2016-yilda o‘z nihoyasiga yetganini tasdiqlagan.
“Nima sababdan bizning nikohimiz buzildi? Buning ko‘plab sabablari bor. 2016-yilga kelib biz shunchaki harakat qilishdan charchadik. O‘ylashimcha, ikkalamiz hamon hayotdagi hamrohimiz qanday bo‘lishi kerakligi haqidagi fantaziyalarda qolib ketgan edik. Men hech qachon ajrashishimizga sabab bo‘lmasligiga va’da berdim. Biz hammasini yengib o‘tamiz. Men shunchaki bu va’dani buzolmadim”, — deydi aktyorning rafiqasi.
Hozirda er-xotin munosabatlarini tartibga solishda davom etmoqda.
Izoh (0)