Futbol bo‘yicha Yevro—2024 saralashidan o‘rin olgan o‘yinlar 15-oktabr, yakshanba kuni bo‘lib o‘tdi.
Ispaniya safarda Norvegiya mehmoni bo‘ldi. Birinchi bo‘limda darvozalar ishg‘ol etilmadi. Ikkinchi bo‘lim boshida esa Gavi ispanlarni hisobda oldinga olib chiqdi. Ushbu gol o‘yin yakuniga qadar yagonaligicha qoldi va Ispaniyaga g‘alaba olib keldi. Ispaniya 2024-yilgi Yevropa Chempionati yo‘llanmasini naqd qildi.
Uels va Xorvatiya o‘zaro bahs olib bordi. Uchrashuvning 47-daqiqasida Harri Uilson hisobni ochdi. 60-daqiqada Uilson dublni rasmiylashtirdi. 75-daqiqada Mario Pashalich hisobni qisqartirdi. Qolgan daqiqalarda darvozalar ishg‘ol etilmadi va Uels 2:1 hisobida zafar quchdi.
Turkiya Latviyani 4:0 hisobida mag‘lub etdi. Qayd etib o‘tish joiz, Turkiya Yevro—2024 yo‘llanmasiga ega chiqdi. Polsha Moldova bilan 1:1 hisobida durang o‘ynadi.
Yevro—2024 saralashi
8-tur bahslari
15-oktabr, yakshanba
Norvegiya – Ispaniya 0:1
Gol: 0:1 – 49 Gavi.
Norvegiya: Nyuland, Ryuerson, Strannberg (Ayer, 77), Estigor, Meling, Eursnes (Torstvedt, 77), Berg (Nusa, 58), Edegor, Berge, Bobb (Serlot, 59), Holand.
Ispaniya: Unai Simon, Karvaxal, Lyaport, Le Norman (David Garsiya, 46), Fran Garsiya, Fabian Ruis, Rodri, Gavi (Sanset, 79), Ferran Torres (Pedrasa, 71), Fati (Oyarsabal, 46), Morata (Xoselu, 89).
Ogohlantirishlar: Le Norman (30), Bobb (31), Ryuerson (40), Lyaport (56), Morata (61), Rodri (86).
Uels – Xorvatiya 2:1
Gollar: 1:0 – 47 Uilson, 2:0 – 60 Uilson, 2:1 – 75 Pashalich.
Uels: Uord, Roberts, Devis, Rodon, Mifem, Uilyams, Ampadu, Uilson (Broudxed, 81), Bruks (Jeyms, 57), Jeyms, Mur.
Xorvatiya: Livakovich, Yuranovich (Stanishich, 46), Vida, Gvardiol, Barishich (Sosa, 59), Modrich, Kovachich, Brozovich, Brekalo (Pashalich, 46), Maer, Musa (Belyo, 46).
Ogohlantirishlar: Vida (21), Jeyms (86), Brozovich (89).
Turkiya – Latviya 4:0
Gollar: 1:0 – 58 Akgun, 2:0 – 83 Tosun, 3:0 – 87 Akturkoglu, 4:0 – 90 Tosun.
Polsha – Moldova 1:1
Gollar: 0:1 – 25 Nikoleesku, 1:1 – 53 Sviderski.
Izoh (0)